يا اغبي غبي , ماهمني وقت فرقاك

حطيتك بعيني على شان منساك ~ لقيتني من دون مقصد تناسيت

حاولت اعدي زلتك وآتحاشاك ~ لقيتني من فعلك الشين زليت

واليوم بانت لي دواهي خطاياك ~ خطا ولكن غير عن كل ماخطيت

شفتك معه يمناه تمسك بيمناك ~ قفيت عنك وخابرك معه قفيت

حسيت يوم اني اناظر محياك ~ اني عطيتك فوق مانت استحقيت

ماني بمتندم على كل ماجاك ~ وآقول انا سويت لك وانت سويت

إذا التسامح ورد ففعالك اشواك ~ وإذا التجافي عقل فأنت استجنيت

ماينستر عيبك لو إن سترناك ~ ياطيب فعلك يوم خنت وتماديت

الطيب خلاني من اول ضحاياك ~ ياكث ماخلصت لغرامك وضحيت

ما اقول غلطاتك من اجمل مزاياك ~ بقول كيف اصحبت بالغدر وامسيت

اصبحت ادور عنك ياوين بلقاك ~ وامسيت اعاتب نفسي اشلون حبيت

اجل تجيني وانت مغرم وشكاك ~ ماكنك اللي رحت له من بعد جيت

وتقول همي ياحبيبي هو رضاك ~ عساك مرضي ربك ان كان صليت

بذكرك في شي ماضن يخفاك ~ اخذ القصيده وقرها لآخر البيت

بدري عليك ان كان هذي نواياك ~ تبطي وانا من غيبتك ما تأذيت

يا اغبي غبي , ماهمني وقت فرقاك ~ انا مع الخاين ولا يوم حسيت

لا تحسب اني بتبعك وآترجاك ~ بتموت ماجيتك لو انك ترجيت

ماهو بنا لامر طاريك ناداك ~ انت الذي لامر طاريَ ناديت

اللي رفعك ومنزلك بين ماطاك ~ يقدر ينزل هامتك لو تعاليت

بكره تذكر من عن الناس بداك ~ ماينفعك في وقتها قول ياليت

خسرت ذا من عقب هذا وهاذاك ~ واكبر دليل انك بعدها تربيت

هذا جزى منهو يسوي سوياك ~ ياشين حظك يوم رحت وتهقويت

شفني قدرت انسى خيانتك وانساك ~ بس انت ماتنسى لو انك تناسيت
وسلامتكم
م.ن

زائر

صح السانك اختي الغالية
بجد ابيات جميله وقوية الف شكر

يسلموووووووووووووووو أختي على مرورك....

زائر

صح لسانك اختي سماره

ويسلم ذوقك وانتقائك الرائع

ودمتي بخير

مشكووووووووووووره ابيات رووووووووووعه